Day 1
其實旅程日記我天天都在寫, 不過是寫在三眼仔記事簿上
但寫到第七天, 支筆已經寫到無墨.........唯有在此繼續, for我自己亦都for你地 :Ｄ
幾皮野去個旅行, 我當然唔想咁快唔記得啦！
好Q長, 我個人建議分開睇 XD
16/2 出發
乘11:45pm英航, 8pm到達機場, 搞好check in及行李寄倉就可以周圍貢
是夜年廿九, 在航天城吃了餐板前作團年飯
對不起阿輝...........(梁生在旅途中遺失了他...流落異鄉呀陰功)
在閘口hea時, "乘搭BA032前往倫敦既乘客梁樹仔請到16號閘口服務台"
阿地勤姐姐以為佢自己1個, 所以想佢同人換位, 等人地成家人一齊坐
Ruby話我地都係family但係打散左黎坐, 咁我地可唔可以調位
點知地勤姐姐話 "唔好意思我地唔可以調位架喎！"
BLOODY HELL.......咁你叫人黎做乜呀？矛唔矛盾D呀？
到boarding果陣, 佢插左tree張pass, 之後話等等
然後就check電腦, 再講番同一番說話 (你老味咁係咪即係已經改撚左人地個位呀！)
Ruby咪話"我地想睇下個位係點先"
佢條仆街拎份座位表黎指住話 "個位係呢度囉, 你睇到格" 咁我地就話唔調
佢仲要好撚悔氣咁話 : "OK咁依家即係唔調啦嘛？OK得無問題！"
調調調...真係調你老味咩！
(diu..篇遊記做乜搞到咁爛口...)
上到機, 睇大丈夫2 
隻機遇到氣流, 其中1次我仲係廁所...你老闆....企唔到起身
之後訓下又醒下, 堅醒左之後睇史力加, 笑Q死
食過早餐, 再飛多2個零鐘就落機了~
17/2
到達希斯路機場係早上5時正, 氣溫6度, 搭Tube去酒店放低行李先
買左Oyster (=八達通, 係果邊用Oyster係比逐次買飛平好多架)
搭左40分鐘左右就去到Gloucester Road, 行去酒店只係幾分鐘既路程
放低行李, 就去食餐豐富既早餐喇
6個人, 食3份english breakfast同3個baguette姐, 埋單40磅 (~HKD600)好顛...
第1站係大笨鐘(Big Ben) & 國會大廈(House of Parliament), 難得地非常好天, 藍天白雲
之後就在St. James park hea下行下, 哇, 幾耐無見過咁大塊任人踩既草地？！
然後係西敏寺 (Westminster Abbey), 差唔多11點就去霸位睇換班儀式, 哇哇哇
睇完又要去霸位喇！因為連住既係白金漢宮(Buckingham Palace)禁衛軍換班儀式
粉蛋, 你睇下地下幾多馬屎！！ >___< 其實去到已經霸唔到靚位了, 多人到..........
有band！係果d帶住黑色毛毛帽果隻！
(細個唔知邊Q個呃我話黑色果D係蟻...1隻隻蟻係個頭度...我信到十幾歲........)
佢地會係條馬路一路操出去的, 我地要半跑半行咁追住, 終於爬到頭了, 呵呵好過癮
呢個應該係Green park吧？還是海德公園(Hyde park)？我不懂...自由行就是這樣子啦--
然後搵訂食lunch喇! (死喇, 睇左咁耐先仲係第1日既lunch >__<) 係一條小巷發現左間小店, 個老細好nice招呼我地入去, 入到去發現佢同zidane的合照！ 食左d鬼佬pie, lasagne, spaghetti 同 fish & chips, 衰鬼又真係幾好味 佢地開左個radio, 係直播緊場波, 聽聽下我地發現係arsenal...(！！！) 飽飽就起行, 接住搭車去倫敦塔(Tower of London)
..............到此一遊.....過門不入......
好彩, 之後既倫敦塔橋(Tower Bridge)都有入, 好靚好鍾意！
我諗去親既人之後寫blog都會重申, 呢條笨唔係London Bridge...真既Londge Bridge好細架咋搵笨架！
在橋上, 泰晤士河 (Thames River), 左面好Q型果座係City hall
今天就完結啦！因為大家都發現對腳好似唔再屬於自己了............
本來話約8點半出黎dinner, 點知個個都訓哂, 飯都唔食
我地係夜晚7點訓到第2朝既6點！痴Q線架！！！
其它相片分享下：
1) 好靚
2) 唐寧街(Downing Street)
3) haha, 其實仲有好幾張添, 不過無影
18/2
"It's amazing how you can speak right through my heart..
Without saying a word, you can light up the dark...."
睇左呢2句歌詞, 係咪已經估到我今日去邊度呢？
Notting Hill, 我好鍾愛的一套電影, 故事就係發生在Notting Hill, 終於有機會去喇！
搭Tube搭左2個站已經去到Notting Hill Gate, 喂...我好鍾意呢道呀！
鍾意五顏六色的小屋, 鍾意五花八門的小店, 鍾意懶洋洋的小貓小狗
一路行落去Portobello Market, 唔知點解好多檔都冇開...？
行到尾係一個好似大笪地之類既市集, 有好多古董啦, 2手既衫褲鞋襪啦, 舊相機啦, 舊CD/黑膠...之類
佢爸爸仲買左個碟仔比我地, 嘻嘻, 依家拎左黎裝我最喜愛既馬莎拖肥糖 :Ｄ
另外Notting Hill都幾多鋪仔, 而我既收獲就係一對手襪仔, 因為實在太凍了
(中間果張立下眼, 我都以為係TRAVEL BOOK CO., 不過我地都係無緣見佢一面....)
哇哈哈, 龍格堡係英國都係渣黑色法拉利架！(點解影到好似好巨咁...)
行到咁上下, 就搵間cafe坐低食lunch, 又係pizza/意粉之類
飽飽, 就離開呢個地方, 向大英博物館(British Museum)進發喇！
2點幾行到差唔多6點, 腳都跛, 雖然係咁, 講緊既都只係走馬看花
當然最recommend既希臘/埃及固之然好睇, 木乃衣展館都不容錯過
仲有好多Gladiator既盔甲, 好型啊！
我地身為中國人當然要睇下中國展館, 其實都係d鼎呀...青銅之類....
(但係其實自己又無期待會有d咩好想睇/會睇到架啵？唔通會見到彊屍咩....)
丫, 仲有果舊鼎鼎大名既Rosetta Stone, F.1 history好似讀過下咁啦...
呢度不得不去, 如果無入過去就好似無黎過英國咁, 仲要FREE喎！
是日年初一, 就去左唐人街食個開年飯喇！
周街d人都係度玩沙炮, 不過玩緊既多數都係鬼仔/妹
條街迫爆人, 唐人反而唔多喎, 同埋有好多警車同警察
度度食野都要排, 去左間餐館叫旺記, 都OK...d飯好硬.....埋單4x磅, 番去lu！
其它相片分享下：
6/4/2007 19:12：我不是吹水！！！！
我在photoshop edit緊呢2張相既時候, itunes random左去WE WILL ROCK YOU呀！
Freddie你在我附近嘛？
發傻, 其實我好想看這個劇啦.....希望我有機會再去英國時仲有得睇啦.........
19/2, One Life One Club, Arsenal
一大朝早, 我同樹仔2個食完早餐就拿拿臨出發喇！(而佢地就去左Covent Garden)
Arsenal個站直情係Piccadilly line, 唔駛轉車
一心諗住出Arsenal行幾分鐘就到啦, 點知....................
anouncement : "Arsenal station is closed", 跟住, 飛...站.................
呆左, 係下個站落左車, 問人, 佢話可以搭巴士/行過去, 咁OK啦
出閘, 睇地圖, SHIT！其實我已經睇錯map帶錯路, 我地係相反方向咁行...
行行下發覺唔對路喎, 點解行極都見唔到舊野既, 再問人, o diu............
修正番, 繼續行, 一路行一路問 (其實係半行半跑架喇, 因為遲左了)
卒之, 見到果舊野喇, 上左條天橋, 就到左酋長球場喇(Arsenal Emirates Stadium)
我地join既tour係9點半開始的, 要9點3去到個入口報到, 我地到達既時候已經係9點9...
不過佢都比我地入既, 首先上左去個lounge度聽佢up下飲啖野
而果個lounge就係球場正中間既最高, 聽完喇, 就可以行出去影相喇！
之後經過佢地既醫療室同埋按摩浴池, 就去到更衣室喇
亨利個位係正中間, non-stop咁有人.....我地臨走先影到咋
然後穿過球員通道, 就去到後備席同教練區喇！
雖然有野框住個草地, 但係我地都有偷偷地踩下 hehe
接住就係記者室, 有幾個o靚仔都著住阿仙奴波衫, 佢地仲要同一時間走哂上去坐定定影相
好似轉會記招, 不過係小朋友版............
完成成個tour, 就去大出血喇, 雖然明知係呢度買實貴過出邊, 但係都忍唔住手
呢件咁可愛既baby衫, 當然成為我既囊中物啦！
仲買左堡堡既相, 2條scarf, 2個瓷杯, 同1件背心仔, 都好似買左成50磅lu....
行番去tube站, 就會經過2座炮台同巨大既ARSENAL字母石雕喇！
仲有少少時間, 我地2個再去左1撻我地好想去既地方, 就係King Cross既火車站喇！
依個火車站, 就係Harry Potter乘坐霍格華茲列車既車站喇
為左一眾戲迷, 佢地仲特地整左個9又4分3月台, 仲有架手推車添 (推唔郁的)
睇旅遊書係話佢地掛左幾面霍格華茲既旗係月台的, 唔知係miss左定係拆走左呢？
買左杯咖啡就出發去集合地點Piccadilly Circus喇, 呢度亦都係我好想親身去下既地方
(Piccadilly Circus 係倫敦其中1個地標, 即係平時"瞬間看地球"影既地方)
著名既Eros愛神像, 同大大個TDK廣告牌 :Ｄ
呵呵呵, 係度HEA既感覺好得意, 同埋英國d鴿真係唔驚人架！
Lunch就食左Burger King, 塊肉都係同香港差唔多, 不過薯條好食D就真既
今日係Shopping日, 我地係附近行左陣名店, 就搭車去Knightsbridge-Harrods喇！
Harrods第個名係咪叫法老王百貨呢？因為入面d裝修係仿埃及建築
好大, 差不多有2個CWB sogo卦？而且係會蕩失路果隻
人地話Harrods乜都有得賣, 我地見到好頂癮既係有snooker抬, 同埋高過一個人既北極熊、獅子之類既公仔....
夜晚食左d乜, 都唔記得了
20/2
今日一早起身去搭巴士去劍橋喇(Cambridge), 佢地d巴士總站都幾型, 有冷氣有哂gate, 你搭咩咩咩號巴士就去咩gate度等入閘啦
嘻嘻, 一隻bird被困於站內~~
Cambridge其實係一個小鎮, 一個好古色古香, 兼悶到出汁既小鎮, 所以想唔用功讀書都幾難.....
21/2
今朝又係一早起身, 因為join左個1Day tour, 去Salisbury Cathedral, Stonehenge & Bath
22/2
去Waterloo站搭EuroStar, 車程大概3個幾鐘, 終於到左法國喇！
之後就搭Metro去酒店check-in先, 法國d地鐵度門係要你用手拉一拉個柄先會開架
到左Chatelet, 西利！第1次就揀岩個出口呀！！
(仆街接住幾日都試過出錯唔同出口, on9...係完全唔知自己去左邊, 兜左勁遠架囉！)
法國呢間就靚好多喇, Novotel, 都成千4蚊晚架, 結果當然係不負眾望 (你睇個大堂幾型！)
間房好大, 張床真係King's size喇, 沖涼同去砵砵係分開既
而個洗手盆.............容後再談
攤係sofa睇電視, 估佢唔到, 係做緊法文版既哈姆太郎呀！
雖然個景都係望樓, 但係望住呢d樓真係人都舒服D....
抖夠, 就出去食個飯同周街逛下喇
第1餐都食得唔錯, 但係野飲真係貴-到-飛-起.......
一杯大既檸茶, 索價係10EURO架！1舊水係香港係飲到嘔都未飲哂架
所以
23/2
24/2
25/2
26/2
衣
食
住
行
